கட்டிடத்தில் இருந்து தவறி விழுந்து தொழிலாளி சாவு

ஓசூர், ஜூலை.23-

சேலம் மாவட்டம் ஓமலூர் அருகே உள்ள ஆர்.சி.செட்டிப்பட்டியை சேர்ந்தவர் சரவணன் (வயது 30). கட்டிட தொழிலாளி. சம்பவத்தன்று இவர், ஓசூரில் பாகலூர் சாலையில் என்.ஜி.ஜி.ஓ. காலனி பகுதியில் கட்டிட வேலையில் ஈடுபட்டு இருந்தார். அப்போது, அவர் முதல்தளத்தில் இருந்து தவறி கீழே விழுந்தார். இதில் பலத்த காயம் அடைந்த சரவணனை அருகில் இருந்தவர்கள் மீட்டு சிகிச்சைக்காக சேலம் அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் சரவணன் நேற்று முன்தினம் இறந்தார். இதுகுறித்து அட்கோ போலீசார் விசாரணை நடத்தி வருகின்றனர்.