விபத்தில் பத்திர எழுத்தர் சாவு

பாப்பாரப்பட்டி:

தர்மபுரி மாவட்டம் இண்டூரை சேர்ந்தவர் பழனிவேல் (வயது 53). பத்திர எழுத்தர். இவருக்கு திருமணமாகி மனைவி, ஒரு மகள் மற்றும் ஒரு மகன் உள்ளனர். இவர் பாப்பாரப்பட்டியில் உள்ள தனது உறவினர் வீட்டில் தங்கி இருந்தார். நேற்று முன்தினம் இரவு பழனிவேல் இண்டூரில் இருந்து பாப்பாரப்பட்டிக்கு ஸ்கூட்டரில் சென்றார். பாப்பாரப்பட்டி சிட்லகாரம்பட்டி அருகே சென்ற போது ஸ்கூட்டர் தடுமாறி கீழே விழுந்தது. இந்த விபத்தில் பழனிவேல் சம்பவ இடத்திலேயே பரிதாபமாக இறந்தார். இதுகுறித்து பாப்பாரப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.