லாரி மீது மோட்டார் சைக்கிள் மோதி வாலிபர் சாவு

பாப்பிரெட்டிப்பட்டி:

பாப்பிரெட்டிப்பட்டி அருகே உள்ள அ.பள்ளிப்பட்டியை சேர்ந்தவர் அருள் பிரபு. இவரது மகன் சிலம்பரசன் (வயது 23). தொம்பகலானூர் பகுதியை சேர்ந்தவர் சுப்பிரமணி. நேற்று முன்தினம் இவர்கள் மஞ்சவாடி வெள்ளையப்பன் கோவில் அருகே மோட்டார் சைக்கிளில் சென்று கொண்டிருந்தார். அப்போது சாலையோரம் நின்ற லாரி மீது மோட்டார் சைக்கிள் மோதியது. இந்த விபத்தில் சிலம்பரசன், சுப்பிரமணி ஆகிய 2 பேரும் படுகாயம் அடைந்தனர். அந்த வழியாக வந்தவர்கள் இருவரையும் மீட்டு பாப்பிரெட்டிப்பட்டி அரசு மருத்துவமனையில் சேர்த்தனர். அங்கு சிகிச்சை பலனின்றி சிலம்பரசன் உயிரிழந்தார். சுப்பிரமணி தர்மபுரி அரசு மருத்துவமனையில் சேர்க்கப்பட்டு சிகிச்சை பெற்று வருகிறார். விபத்து குறித்து பாப்பிரெட்டிப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.