மின்னல் தாக்கி விவசாயி பலி

கமுதி மற்றும் அதன் சுற்று வட்டாரப் பகுதிகளில் நேற்று பரவலாக மழை பெய்தது. இந்தநிலையில் இரவு 7 மணி அளவில் எம்.எம்.கோட்டை என்ற கிராமத்தில் இடி, மின்னலுடன் மழை பெய்து கொண்டு இருந்தது. அப்போது அதே பகுதியை சேர்ந்த விவசாயி சிவராமன் (வயது40) வீட்டிற்கு வெளியே இயற்கை உபாதையை கழிக்க சென்ற போது திடீரென மின்னல் தாக்கி சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த கமுதி போலீசார் சிவராமன் உடலை கைப்பற்றி கமுதி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். மேலும் இதுகுறித்து விசாரணை நடத்தி வருகின்றனர்.