விபத்தில் விவசாயி சாவு

மொரப்பூர்:

கிருஷ்ணகிரி மாவட்டம் போச்சம்பள்ளி அருகே உள்ள வசந்தபுரம் பகுதியை சேர்ந்தவர் ரவி (வயது 51). விவசாயி. இவர் கடந்த 5-ந் தேதி மொரப்பூரில் இருந்து போச்சம்பள்ளிக்கு சென்று கொண்டிருந்தார். அப்போது அங்குள்ள திருமண மண்டபம் அருகில் சென்ற போது திடீரென நிலைதடுமாறி கீழே விழுந்தார். இதில் பலத்த காயமடைந்த அவரை அக்கம் பக்கத்தினர் மீட்டு அரூர் அரசு மருத்துவமனைக்கு அனுப்பி வைத்தனர். பின்னர் அங்கிருந்து மேல் சிகிச்சைக்காக தர்மபுரி அரசு மருத்துவமனையில் அவர் சேர்க்கப்பட்டார். அங்கு சிகிச்சை பலனின்றி அவர் பரிதாபமாக உயிரிழந்தார். இந்த விபத்து குறித்து மொரப்பூர் போலீசார் வழக்குப்பதிவு செய்து விசாரணை நடத்தி வருகிறார்கள்.