மோட்டார்சைக்கிள் மோதி பெண் சாவு

காவேரிப்பட்டணம்:

கிருஷ்ணகிரி அருகே உள்ள கதிரிபுரம் பக்கமுள்ள மச்சிகான்கொட்டாயை சேர்ந்தவர் பெரியசாமி (வயது 49). இவரது மனைவி மங்கம்மாள் (43). கணவன்-மனைவி 2 பேரும் மோட்டார்சைக்கிளில் காவேரிப்பட்டணம் சாலையில் சென்று கொண்டிருந்தனர். அப்போது அந்த வழியாக வந்த மோட்டார்சைக்கிள் பெரியசாமி ஓட்டி சென்ற மோட்டார்சைக்கிள் மீது மோதியது. இதில் கணவன்-மனைவி 2 பேரும் படுகாயம் அடைந்தனர். அக்கம் பக்கத்தினர் அவர்களை மீட்டு சிகிச்சைக்காக காவேரிப்பட்டணம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி மங்கம்மாள் பரிதாபமாக இறந்தார். பெரியசாமிக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து காவேரிப்பட்டணம் போலீசார் விசாரணை நடத்தி வருகிறார்கள்.