டிராக்டர்-மோட்டார் சைக்கிள் மோதல்; லாரி டிரைவர் சாவு

மத்தூர்:

மத்தூர் அருகே உள்ள பெரமனூர் கொல்லக் கொட்டாயை சேர்ந்தவர் கோவிந்தராஜ் (வயது27). லாரி டிரைவர். இவர் மோட்டார் சைக்கிளில் மத்தூர் நோக்கி சென்றார். அப்போது எதிரே வந்த டிராக்டரும், மோட்டார் சைக்கிளும் மோதி கொண்டன. இந்த விபத்தில் கோவிந்தராஜ் சம்பவ இடத்திலேயே பரிதாபமாக இறந்தார். இந்த விபத்து குறித்து மத்தூர் போலீசாருக்கு தகவல் தெரிவிக்கப்பட்டது. அதன்பேரில் போலீசார் விரைந்து சென்று உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.