மோட்டார் சைக்கிள் மோதி முதியவர் பலி

ஊத்துக்குளி அருகே உள்ள அணைப்பாளையத்தை சேர்ந்தவர் பாப்பநாயக்கர் (வயது67). அவர் அப்பகுதியில் விவசாயம் செய்து வந்தார். கடந்த சில தினங்களுக்கு முன்பு அணைப்பாளையம் பிரிவு அருகில் சாலையோரம் நடந்து சென்று கொண்டிருந்தபோது பின்னால் வந்த மோட்டார்சைக்கிள் மோதியதில் விபத்து ஏற்பட்டது. தலையில் பலத்த காயம் அடைந்த பாப்பநாயக்கரை அருகில் இருந்தவர்கள் மீட்டு மருத்துவமனைக்கு அனுப்பி வைத்தனர். மருத்துவமனைக்கு போகும் வழியில் அவர் பரிதாபமாக உயிரிழந்தார். இதுகுறித்து வழக்குப்பதிவு செய்த ஊத்துக்குளி போலீஸ் இன்ஸ்பெக்டர் கவிதா விசாரணை நடத்தி வருகிறார்.