கார் மோதி தொழிலாளி சாவு

குருபரப்பள்ளி:

நாமக்கல் மாவட்டம் மேட்டுக்காலு அருகே உள்ள திருமலைப்பட்டியை சேர்ந்தவர் குமார் (வயது 38). கூலித்தொழிலாளி. இவர் வேலைக்காக கிருஷ்ணகிரி வந்திருந்தார். இவர் கிருஷ்ணகிரியில் ஓசூர் சாலையில் குருபரப்பள்ளி அருகில் கடந்த 12-ந் தேதி இரவு நடந்து சென்று கொண்டு இருந்தார். அப்போது அந்த வழியாக சென்ற கார் அவர் மீது மோதியது.

இந்த விபத்தில் படுகாயமடைந்த குமார் சம்பவ இடத்திலேயே பரிதாபமாக இறந்தார். இது குறித்து குருபரப்பள்ளி போலீசாருக்கு தகவல் தெரிவிக்கப்பட்டது. அதன்பேரில் போலீசார் விரைந்து சென்று குமாரின் உடலை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். விபத்து குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.