விபத்தில் தொழிலாளி சாவு

குருபரப்பள்ளி

வேலூர் மாவட்டம், குடியாத்தம் அடுத்த பேரணாம்பட்டை சேர்ந்தவர் வெங்கடேசன் (வயது37). கூலித்தொழிலாளி. சம்பவத்தன்று இவர் மோட்டார் சைக்கிளில் குருபரப்பள்ளி அருகே சோமநாதபுரம் சர்வீஸ் ரோட்டில் சென்று கொண்டு இருந்தார். அப்போது கட்டுப்பாட்டை இழந்த மோட்டார் சைக்கிள் திடீரென கவிழ்ந்தது. இந்த விபத்தில் வெங்கடேசன் படுகாயமடைந்தார். அக்கம் பக்கத்தினர் அவரை மீட்டு தர்மபுரி அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி நேற்று முன்தினம் அவர் பரிதாபமாக உயிரிழந்தார். இதுகுறித்து குருபரப்பள்ளி போலீசார் வழக்குப்பதிவு செய்து விசாரணை நடத்தி வருகின்றனர்.