வாகனம் மோதி பெண் சாவு

ஓசூர்

ஓசூர் பத்தலபள்ளி அருகே சாலையில் 40 வயது மதிக்கத்தக்க ஒரு பெண் நடந்து சென்றார். அந்த வழியாக வந்த அடையாளம் தெரியாத வாகனம் அவர் மீது மோதியது. இதில், படுகாயம் அடைந்த அந்த பெண் சம்பவ இடத்திலேயே உயிரிழந்தார். இதுகுறித்து தொரப்பள்ளி கிராம நிர்வாக அலுவலர் மூர்த்தி, ஓசூர் அட்கோ போலீசில் புகார் செய்தார். அதன்பேரில் போலீசார் விரைந்து சென்று உடலை கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். மேலும் அந்த பெண் யார்? எந்த ஊரை சேர்ந்தவர்? என்பது குறித்தும் விசாரணை நடத்தி வருகின்றனர்.