கன்டெய்னர் லாரி மீது மோட்டார் சைக்கிள் மோதி டிரைவர் சாவு

பர்கூர்

கந்திகுப்பம் அருகே உள்ள எலத்தகிரி பகுதியைச் சேர்ந்தவர் பழனிவேல் (வயது 27). சரக்கு வேன் டிரைவர். இவர் நேற்று முன்தினம் இரவு மோட்டார் சைக்கிளில் பர்கூரில் இருந்து ஊருக்கு சென்றார். கந்திகுப்பம் அருகே உள்ள தனியார் பொறியியல் கல்லூரி எதிரில் சென்றபோது முன்னால் சென்ற கன்டெய்னர் லாரி மீது மோட்டார் சைக்கிள் மோதியது. இதில் நிலை தடுமாறி விழுந்த பழனிவேல் படுகாயமடைந்து சம்பவ இடத்திலேயே இறந்தார். இந்த விபத்து குறித்து தகவல் அறிந்ததும் கந்திகுப்பம் போலீசார் விரைந்து சென்று பழனிவேலின் உடலை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.