கன்டெய்னர் லாரி மோதி விவசாயி சாவு

பர்கூர்

கிருஷ்ணகிரி ரவுண்டானா பகுதியைச் சேர்ந்தவர் பெரியசாமி. இவரது மகன் நாகானந்தம் (வயது 35). விவசாயி. இவர் நேற்று பர்கூர் வந்துவிட்டு மீண்டும் மோட்டார் சைக்கிளில் கிருஷ்ணகிரிக்கு சென்று கொண்டு இருந்தார். அங்குள்ள ஓட்டல் அருகில் சென்ற போது அந்த வழியாக வந்த கன்டெய்னர் லாரி மோட்டார் சைக்கிள் மீது மோதியது. இந்த விபத்தில் நாகானந்தம் படுகாயம் அடைந்து சம்பவ இடத்திலேயே உயிரிழந்தார்.

இதுகுறித்து தகவல் அறிந்ததும் பர்கூர் போலீசார் விரைந்து வந்து உடலை மீட்டு கிருஷ்ணகிரி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.