மின்சாரம் தாக்கி ஆடு மேய்க்க சென்றவர் சாவு

திருப்புவனம்

திருப்பாச்சேத்தி அருகே உள்ள தூதை காலனியை சேர்ந்தவர் பெருமாள் (வயது 55). இவர் தனது ஆடுகளை அங்குள்ள கால்வாய் கரை பகுதியில் மேய்ச்சலுக்கு அழைத்துச் சென்றார். அப்போது அங்குள்ள மின்சார இழுவை கம்பி மீது எதிர்பாராதவிதமாக கையை வைத்தார். இதில் திடீரென்று மின்சாரம் தாக்கி தூக்கி வீசப்பட்டார். இது குறித்து தகவல் அறிந்ததும் அக்கம், பக்கத்தினர் அவரை மீட்டு சிவகங்கை அரசு ஆஸ்பத்திரிக்கு சிகிச்சைக்கு கொண்டு சென்றனர். ஆனால் ஆஸ்பத்திரிக்கு செல்லும் வழியிலேயே அவர் பரிதாபமாக இறந்தார்.இதுகுறித்து பெருமாளின் மனைவி அழகம்மாள் திருப்பாச்சேத்தி போலீசில் புகார் செய்தார். புகாரின் பேரில் போலீஸ் இன்ஸ்பெக்டர் ராஜ்குமார் வழக்கு பதிவு செய்து விசாரணை நடத்தி வருகிறார்.