பிளஸ்-2 மாணவர் உள்பட 2 பேர் சாவு

ஓசூர்

ஓசூரில் மோட்டார் சைக்கிள் மீது வாகனம் மோதி பிளஸ்-2 மாணவர் உள்பட 2 பேர் இறந்தனர்.

பிளஸ்-2 மாணவர்

ஓசூர் ஜனப்பர் தெருவை சேர்ந்தவர் சுபேர். இவரது மகன் சுலைமான் (வயது17). இவர் ஓசூர் உருது அரசு மேல்நிலைப்பள்ளியில் பிளஸ்-2 படித்து வந்தார். நேற்று முன்தினம் இரவு, இவரும், ஓசூர் பிஸ்மில்லா நகரை சேர்ந்த உஸ்மான் (19) என்பவரும் மோட்டார் சைக்கிளில் கிருஷ்ணகிரி நோக்கி சென்று கொண்டு இருந்தனர்.

அப்போது ஓசூர் சீதாராம் மேட்டில் உள்ள பழைய பஸ் நிலையம் அருகே சென்ற போது அந்த வழியாக வந்த அடையாளம் தெரியாத ஒரு வாகனம் மோட்டார் சைக்கிள் மீது மோதி விட்டு நிற்காமல் சென்று விட்டது. இந்த விபத்தில் மாணவர் சுலைமான் உள்பட 2 பேரும் தூக்கி வீசப்பட்டு சம்பவ இடத்திலேயே பரிதாபமாக உயிரிழந்தனர்.

விசாரணை

இந்த விபத்து குறித்து தகவல் அறிந்ததும் ஓசூர் அட்கோ போலீசார் விரைந்து சென்று மாணவர் உள்பட 2 பேரின் உடல்களையும் கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். தகவல் அறிந்்து வந்த 2 பேரின் குடும்பத்தினர் மற்றும் உறவினர்கள் ஆஸ்பத்திரிக்கு விரைந்து சென்று உடல்களை பார்த்து கதறி அழுதனர்.

இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் பிளஸ்-2 மாணவர் இறந்த சம்பவம் அந்த பகுதியில் சோகத்தை ஏற்படுத்தியது.