மோட்டார் சைக்கிள் மீது கார் மோதி வாலிபர் சாவு

ஓசூர்

ஓசூர் அருகே எடையநல்லூரை சேர்ந்தவர் அம்ரீஷ் (வயது31). அதே பகுதியை சேர்ந்தவர் கனகராஜ் (26). நண்பர்களான இவர்கள் 2 பேரும் நேற்று மோட்டார் சைக்கிளில் மூக்கண்டபள்ளி மேம்பாலம் அருகே சென்று கொண்டு இருந்தனர். அப்போது, அந்த வழியாக வந்த கார் மோட்டார் சைக்கிள் மீது மோதியது. இதில், அம்ரீஷ் சம்பவ இடத்திலேயே பரிதாபமாக உயிரிழந்தார். கனகராஜ் படுகாயமடைந்தார். அக்கம் பக்கத்தினர் அவரை மீட்டு பெங்களூருவில் உள்ள தனியார் மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து ஓசூர் சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.