மேற்கூரையில் இருந்து தவறி விழுந்து தொழிலாளி சாவு

ஓசூர்

தர்மபுரி மாவட்டம் பென்னாகரம் தாலுகா ஏமனூரை சேர்ந்தவர் கமலேசன் (வயது 48). கூலித்தொழிலாளி. இவர் கடந்த 13-ந் தேதி ஓசூர் சிப்காட்டில் தனியார் நிறுவனத்தில் மேற்கூரையில் இருந்தபடி வேலை செய்து கொண்டிருந்தார். அப்போது எதிர்பாராதவிதமாக அவர் தவறி கீழே விழுந்தார். இதில் பலத்த காயமடைந்த கமலேசனை அருகில் இருந்தவர்கள் மீட்டு ஓசூர் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக தர்மபுரி அரசு மருத்துவமனையில் அவர் அனுமதிக்கப்பட்டார். அங்கு சிகிச்சை பலனின்றி நேற்று முன்தினம் பரிதாபமாக இறந்தார். இது குறித்து சிப்காட் போலீசார் விசாரணை நடத்தி வருகிறார்கள்.