கார் மோதி தொழிலாளி சாவு

குருபரப்பள்ளி

தெலுங்கானா மாநிலம் வாரங்கல் அருகே உள்ள அனுமகொண்டாவை சேர்ந்தவர் கோரண்டல் பத்ரய்யா (வயது 52). இவர் தெலுங்கானா மாநிலத்தில் உள்ள ஒரு தனியார் கிரானைட் நிறுவனத்தில் தொழிலாளியாக வேலை செய்து வந்தார். இவர் வேலை நிமித்தமாக கிருஷ்ணகிரிக்கு வந்திருந்தார். நேற்று முன்தினம் குருபரப்பள்ளி அருகே சோமநாதபுரம் பகுதியில் நடந்து சென்றார். அப்போது அந்த வழியாக வந்த கார் அவர் மீது மோதியது. இதில் கோரண்டல் பத்ரய்யா சம்பவ இடத்திலேயே பரிதாபமாக இறந்தார். இந்த விபத்து குறித்து தகவல் அறிந்ததும் குருபரப்பள்ளி போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். தொடர்ந்து விபத்து குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.