மரத்தில் இருந்து தவறி விழுந்த விவசாயி சாவு

கடலூர் முதுநகர்,

குறிஞ்சிப்பாடி அருகே உள்ள அனுக்கம்பட்டு பெரிய காட்டுசாகையை சேர்ந்தவர் கணபதி (வயது 45). விவசாயியான இவர் கடலூர் முதுநகர் அருகே உள்ள கோதண்டராமாபுரத்தில் நிலத்தை குத்தகைக்கு எடுத்து விவசாயம் செய்துவந்தார். சம்பவத்தன்று அந்த நிலத்தில் உள்ள தென்னை மரத்தில் ஏறி தேங்காய் பறித்துக் கொண்டிருந்தார். அப்போது எதிர்பாராதவிதமாக கணபதி மரத்தில் இருந்து தவறி விழுந்து பலத்த காயமடைந்தார். இதையடுத்து அவரை அக்கம்பக்கத்தினர் மீட்டு சிகிச்சைக்காக கடலூர் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக புதுச்சேரியில் உள்ள தனியார் ஆஸ்பத்திரியில் அனுமதிக்கப்பட்டார். அங்கு டாக்டர்கள் தீவிர சிகிச்சை அளித்தும் பலனின்றி கணபதி பரிதாபமாக உயிரிழந்தார். இதுகுறித்த புகாரின் பேரில், கடலூர் முதுநகர் போலீசார் வழக்குப்பதிவு செய்து விசாரணை நடத்தி வருகின்றனர்.