ஊரக வளர்ச்சித்துறை சங்கத்தினர் ஆர்ப்பாட்டம்

சீர்காழி:

மயிலாடுதுறை மாவட்டம் சீர்காழி ஊராட்சி ஒன்றிய அலுவலகம் முன்பு ஊரக வளர்ச்சித்துறை சங்கம் சார்பில் ஆர்ப்பாட்டம் நடந்தது. ஆர்ப்பாட்டத்துக்கு வட்டார வளர்ச்சி அலுவலர் (ஊராட்சிகள்) சரவணன் தலைமை தாங்கினார். துணை வட்டார வளர்ச்சி அலுவலர் குமரேசன், பணி மேற்பார்வையாளர் திருச்செல்வன், ஊராட்சி செயலர் ராமச்சந்திரன் ஆகியோர் முன்னிலை வகித்தனர். ஆர்ப்பாட்டத்தில் வட்டார வளர்ச்சி அலுவலர் இளங்கோவன், துணை வட்டார வளர்ச்சி அலுவலர் செல்வமுத்துகுமார், ஊரக வளர்ச்சித் துறை சங்க மாவட்ட துணை தலைவர் அன்பரசன் ஆகியோர் கலந்துகொண்டு விருதுநகர் மாவட்டம் நரிக்குடி ஊராட்சி ஒன்றிய பொறியாளரை பணி விடுவிப்பு செய்ததை கண்டித்தும், ஊரக வளர்ச்சி துறையில் பணிபுரியும் அலுவலர்கள் பணியாளர்களுக்கு பணி பாதுகாப்பு வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர். இதில் ஒன்றிய பொறியாளர்கள் தெய்வானை, சிவக்குமார், பணி மேற்பார்வையாளர்கள், துணை வட்டார வளர்ச்சி அலுவலர்கள், ஊராட்சி செயலர்கள் உள்ளிட்ட பலர் கலந்து கொண்டனர்.