10-ம் வகுப்பு தேர்வுத்தாள் திருத்தும் மையம் முன்பு ஆர்ப்பாட்டம்

திருப்பத்தூர்

திருப்பத்தூர் மேரி மெட்ரிக் மேல்நிலைப்பள்ளியில் 10-ம் வகுப்பு விடைத்தாள் திருத்தும் பணி நடைபெறுகிறது. இந்த மையத்தின் முன்பு திருப்பத்தூர் மாவட்ட தமிழ்நாடு உயர்நிலை மேல்நிலைப்பள்ளி பட்டதாரி ஆசிரியர் கழகம் சார்பில் கண்டன ஆர்ப்பாட்டம் நடைபெற்றது. ஆர்ப்பாட்டத்திற்கு திருப்பத்தூர் வட்ட தலைவர் அண்ணாமலை தலைமை வகித்தார். ஆம்பூர் வட்டத் தலைவர் எஸ்.அறிவழகன் வரவேற்றார். ஆர்ப்பாட்டத்தை மாநில பொருளாளர் ஜெயக்குமார் தொடங்கிவைத்து பேசினார்.

பழைய ஓய்வூதிய திட்டத்தை அமல்படுத்த வேண்டும், 2004-2006, வரை பணியில் அமர்த்தப்பட்ட அனைத்து ஆசிரியர்களையும் பணி நியமன நாளிலிருந்து பணிவரன்முறை செய்ய வேண்டும், 2022 முதல் வழங்கப்பட வேண்டிய அனைத்து அகவிலைப்படி உயர்வு நிலுவைத் தொகையை உடனடியாக வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி கண்டன கோஷங்களை எழுப்பினார்கள். மாவட்ட தலைவர் தேசிங்குராஜன்‌, செயலாளர் மூர்த்தி, பொருளாளர் துக்கன், மாவட்ட தலைமை நிலைய செயலாளர் சுரேஷ், மாவட்ட இணைச்செயலாளர் மோதிலால், ஜெயசுதா, சுப்பிரமணி உள்பட பலர் கலந்துகொண்டனர். முடிவில் வட்டத் தலைவர் டி.கிருஷ்ணமூர்த்தி நன்றி கூறினார்.