குலதெய்வ வழிபாட்டுக்காக மாட்டுவண்டியில் வந்த பக்தர்கள்

ஆலங்குளம்,

கீழராஜகுலராமன் கிராமத்தில் பொன் இருளப்பசாமி கோவில் உள்ளது. இந்த கோவில் கமுதியில் வாழும் பொதுமக்களின் குலதெய்வம் ஆகும். இவர்கள் நேற்று 60 மாட்டுவண்டிகளில் தங்களது குலதெய்வத்தை வழிபாடு செய்வதற்காக கீழராஜகுலராமன் கிராமத்திற்கு வந்தனர். . 3 ஆண்டுகளுக்கு ஒருமுறை வந்து குலதெய்வ வழிபாடு செய்வது வழக்கம். ஆதலால் இந்த ஆண்டு ஆயிரத்திற்கும் மேற்பட்ட பக்தர்கள் சாமி தரிசனம் செய்ய வந்து உள்ளனர். இவர்கள் 4 நாட்கள் தங்கி குலதெய்வ வழிபாடு செய்து விட்டு 24-ந் தேதி இரவில் தங்களது சொந்த ஊரான கமுதிக்கு செல்வார்கள்.