பிரகதீஸ்வரர் கோவிலில் பக்தர்கள் தீப ஊர்வலம்

மீன்சுருட்டி:

அரியலூர் மாவட்டம், மீன்சுருட்டி அருகே கங்கை கொண்ட சோழபுரத்தில் உள்ள பிரகன்நாயகி சமேத பிரகதீஸ்வரர் கோவிலில் பவுர்ணமியையொட்டி தீப ஊர்வலம் நேற்று நடைபெற்றது. இதில் நேற்று மாலை கணக்க விநாயகர் கோவிலில் சுவாமிக்கு மகா அபிஷேகம், தீபாராதனை நடைபெற்றது. இதைத்தொடர்ந்து பிரகதீஸ்வரர் கோவிலில் இருந்து பவுர்ணமி தீப ஊர்வலம் புறப்பட்டது. ஊர்வலத்தை பா.ஜ.க. மாவட்ட தலைவர் அய்யப்பன் தொடங்கி வைத்தார். இந்த ஊர்வலம் வன்னியர்குழி, கணக்க விநாயகர் கோவில் வழியாக சென்று மீண்டும் பிரகதீஸ்வரர் கோவிலை வந்தடைந்தது. ஊர்வலத்தில் சுற்று வட்டார கிராம மக்கள், சிவனடியார்கள் உள்ளிட்ட பலர் கலந்து கொண்டனர். பக்தர்களுக்கு பிரசாதம் வழங்கப்பட்டது. இரவில் அன்னதானம் நடைபெற்றது.