வாகனம் மோதி மூதாட்டி பலி

காரிமங்கலம்:

காரிமங்கலம் அருணேஸ்வரர் மலைக்கோவில் தெருவை சேர்ந்தவர் பெருமாள். இவருடைய மனைவி பெரியக்கா (வயது 75). இவர் நேற்று முன்தினம் இரவு காரிமங்கலம் அருகே தர்மபுரி- கிருஷ்ணகிரி தேசிய நெடுஞ்சாலையில் ஆஞ்சநேயர் கோவில் பகுதியில் சாலையோரம் நடந்து சென்றார். அப்போது அந்த வழியாக வந்த வாகனம் பெரியக்கா மீது மோதி விட்டு நிற்காமல் சென்று விட்டது. இதில் படுகாயம் அடைந்த பெரியக்கா சம்பவ இடத்திலேயே பலியானார்.

தகவல் அறிந்து சம்பவ இடத்துக்கு சென்ற காரியமங்கலம் போலீசார் பெரியக்காவின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து போலீசார் வழக்குப்பதிவு செய்து விபத்தை ஏற்படுத்தி விட்டு நிற்காமல் சென்ற நபரை தேடி வருகின்றனர்.