மின்கம்பத்தில் இருந்து தவறி விழுந்து தொழிலாளி சாவு

கிருஷ்ணகிரி ரெயில்வே காலனியை சேர்ந்தவர் பாலாஜி (வயது 24). கட்டிட தொழிலாளி. இவருக்கு மது குடிக்கும் பழக்கம் உள்ளதாக கூறப்படுகிறது. இந்த நிலையில் சம்பவத்தன்று அவர் பேனர் கட்டுவதற்காக மின்கம்பத்தில் ஏறியபோது தவறி கீழே விழுந்தார். இதில் அவர் படுகாயம் அடைந்து பரிதாபமாக இறந்தார். இதுகுறித்து கிருஷ்ணகிரி டவுன் போலீசார் விசாரணை நடத்தி வருகின்றனர்.