தினத்தந்தி புகார் பெட்டி

எரியாத தெரு விளக்குகள்

பெரம்பலூர் மாவட்டம், ஆலத்தூர் வட்டம், அல்லிநகரம் ஊராட்சிக்குட்பட்ட கீழஉசேன்நகரம் கிராமத்தில் கடந்த சில நாட்களாக தெரு விளக்குகள் சரிவர எரிவது இல்லை. இதனால் இப்பகுதியில் இரவு நேரத்தில் இருள் சூழ்ந்து காணப்படுவதினால் இந்த சாலை வழியாக பெண்கள், மாணவிகள் நடந்து செல்ல பெரிதும் அச்சப்படுகின்றனர். மேலும் இரவு நேரத்தில் சட்ட விரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

மணிவேல், கீழஉசேன்நகரம், பெரம்பலூர்.