தினத்தந்தி புகார் பெட்டி: மக்கள் குறைகள் தொடர்பான பதிவுகள்

நாய்கள் தொல்லை

விருதுநகர் மாவட்டம் மம்சாபுரம் பேரூராட்சி பகுதியில் தெரு நாய்களின் தொல்லை நாளுக்கு நாள் அதிகரித்து கொண்டே வருகிறது. சாலையில் செல்லும் பொதுமக்களை நாய்கள் துரத்துவதால் மிகவும் அச்சப்படுகின்றனர். மேலும் நாய்க்கடியால் பலரும் பாதிக்கப்பட்டுள்ளனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

மூா்த்தி, மம்சாபுரம்.

போக்குவரத்து நெரிசல்

விருதுநகர் நகர் பகுதியின் முக்கிய சாலைகளில் காலை மற்றும் மாலை நேரங்களில் கடும் போக்குவரத்து நெரிசல் ஏற்படுகிறது. இதனால் பள்ளி, கல்லூரி மாணவர்கள் மற்றும் வேலைக்கு செல்வோர் குறித்த நேரத்திற்குள் செல்ல முடியாமல் மிகவும் சிரமப்படுகின்றனர். எனவே நகர் பகுதியில் ஏற்படும் போக்குவரத்து நெரிசலை குறைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

குமரேசன், விருதுநகர்.

கருவேல மரங்கள் அகற்றப்படுமா?

விருதுநகர் மாவட்டம் சிவகாசி பகுதியில் உள்ள கண்மாய்களில் கருவேல மரங்கள் அதிகம் வளர்ந்துள்ளது. இதனால் கண்மாயில் முழுக்கொள்ளளவு நீரை தேக்கி வைக்க முடியாத நிலை உள்ளது. மேலும் இந்த கருவேல மரங்களால் நிலத்தடி நீர்மட்டமும் பாதிக்கப்படுகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

கண்ணன், சிவகாசி.

சேதமடைந்த சாலை

விருதுநகர் அருகே சங்கரலிங்கபுரத்தில் இருந்து கட்டனார்பட்டி செல்லும் சாலை சேதமடைந்துள்ளது. இதனால் இவ்வழியே செல்லும் வாகன ஓட்டிகள் மிகவும் சிரமப்படும் சூழ்நிலை உள்ளது. எனவே சம்பந்தப்பட்ட அதிகாரிகள் சாலையை சீரமைக்க நடவடிக்கை எடுப்பார்களா?

ரவிக்குமார், சங்கரலிங்கபுரம்.

பயணிகள் அவதி

விருதுநகர் மாவட்டம் ராஜபாளையத்தில் இருந்து நெல்லை, தென்காசி, மதுரை போன்ற பகுதிகளுக்கு செல்ல இரவு நேரங்களில் குறைந்த அளவிலான பஸ்களே இயக்கப்படுகின்றன. ஆதலால் பயணிகள் அவதிப்படுகின்றனர். இதனால் பயணிகள் இரவு நேரங்களில் நீண்ட நேரம் காத்திருந்து பயணிக்க வேண்டிய நிலை உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பரமசிவம், ராஜபாளையம்.