தினத்தந்தி புகார் பெட்டி: மக்கள் குறைகள் தொடர்பான பதிவுகள்

கூடுதல் பஸ்கள் இயக்கப்படுமா?

விருதுநகரில் இருந்து நெல்லை, மதுரை போன்ற ஊர்களுக்கு செல்ல இரவு நேரங்களில் போதிய அளவு பஸ்கள் இல்லை. இதனால் இரவு நேரங்களில் பயணிகள் நீண்ட நேரம் காத்திருந்து பயணிக்க வேண்டிய நிலை உள்ளது. எனவே இதுகுறித்து நடவடிக்கை எடுக்கப்படுமா?

ராஜேந்திரன், விருதுநகர்.

பொதுமக்கள் அச்சம்

விருதுநகர் மாவட்டம் சிவகாசி மாநகராட்சி பகுதிகளில் நாய்கள் கூட்டம் கூட்டமாக சுற்றிவருகின்றன. இதனால் பொதுமக்கள் வெளியே செல்ல மிகவும் அச்சப்படுகின்றனர். மேலும் இந்த நாய்கள் வாகனங்களை துரத்துவதால் வாகன ஓட்டிகளுக்கு விபத்து ஏற்படும் அபாயமும் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

குமரன், சிவகாசி.

நடவடிக்கை தேவை

விருதுநகர் நகர் பகுதி சாலை மற்றும் பைபாஸ் சாலைகளில் சிலர் தங்கள் வாகனங்களில் அதிக ஒலி எழுப்பும் ஒலிப்பான்களை (ஹாரன்) பயன்படுத்துகின்றனர். இதனால் மற்ற வாகன ஓட்டிகள் இந்த சத்தத்தால் பதற்றமடைகின்றனர். ஆதலால் விபத்து ஏற்படும் அபாயமும் உள்ளது. எனவே இதுகுறித்து தகுந்த நடவடிக்கை எடுக்க வேண்டும்.

கணேஷ்பாபு, விருதுநகர்.

போக்குவரத்து ெநரிசல்

விருதுநகர் மாவட்டம் ஸ்ரீவில்லிபுத்தூர் நகர் பகுதி சாலைகளில் காலை மற்றும் மாலை நேரங்களில் கடும் போக்குவரத்து நெரிசல் ஏற்படுகிறது. இதனால் மாணவர்கள் மற்றும் வேலைக்கு செல்வோர் மிகவும் சிரமப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

நாகராஜன், ஸ்ரீவில்லிபுத்தூா்.

நிழற்குடை சீரமைக்கப்படுமா?

விருதுநகர் மாவட்டம் அருப்புக்கோட்டை கோவிலாங்குளம் பயணிகள் நிழற்குடை முற்றிலும் சேதமடைந்து காணப்படுகிறது. நிழற்குடையின் சிமெண்டு பூச்சுகள் பெயர்ந்து உள்ளது. இதனால் பயணிகள் நிழற்குடையை பயன்படுத்த அச்சப்படுகின்றனர். எனவே நிழற்குடையை சீரமைக்க அதிகாரிகள் நடவடிக்கை எடுக்க வேண்டும்.

சுமன், அருப்புக்கோட்டை.