தினத்தந்தி புகார் பெட்டி: மக்கள் குறைகள் தொடர்பான பதிவுகள்

தேங்கி கிடக்கும் குப்பை

விருதுநகர் மாவட்டம் ஸ்ரீவில்லிபுத்தூர் பகுதியில் உள்ள ஒரு சில இடங்களில் குப்பைகள் ஆங்காங்கே குவிந்து கிடக்கின்றன. தேங்கி கிடக்கும் குப்பைகளால் சுகாதார சீர்கேடு ஏற்படும் நிலை உள்ளது. எனவே குப்பைகள் தேங்காமல் அவ்வப்போது அகற்ற நடவடிக்கை எடுக்க வேண்டும்.

பொதுமக்கள், ஸ்ரீவில்லிபுத்தூர்.

தெருநாய்கள் தொல்லை

விருதுநகர் மாவட்டம் சிவகாசி மற்றும் அதனை சுற்றியுள்ள பகுதிகளில் தெருநாய்கள் தொல்லை அதிகமாக உள்ளது. இதனால் இந்த பகுதியில் உள்ளவர்கள் சாலையில் செல்லவே மிகவும் சிரமப்படுகின்றனர். எனவே இந்த பகுதியில் உள்ள தெருநாய்கள் தொல்லையை கட்டுப்படுத்த நடவடிக்கை எடுக்க வேண்டும்.

கார்த்திக், சிவகாசி.

பஸ்வசதி

விருதுநகர் மாவட்டம் ஆலங்குளத்தில் இருந்து ராஜபாளையம் செல்ல காலை நேரத்தில் போதுமான பஸ்வசதி இல்லை. இதனால் இந்த பகுதியில் உள்ள மாணவ-மாணவிகள், வேலைக்கு செல்பவர்கள் என அனைவரும் குறிப்பிட்ட நேரத்திற்குள் செல்ல முடியாமல் அவதிப்படுகின்றனர். இதுகுறித்து சம்பந்தப்பட்ட அதிகாரிகள் நடவடிக்கை எடுப்பார்களா?

பொதுமக்கள், ஆலங்குளம்.

சேதமடைந்த சாலை

விருதுநகர் மாவட்டம் சிவகாசி தாலுகா ஆலமரத்துப்பட்டி கிராமத்தில் உள்ள பஸ் நிறுத்தத்தின் அருகில் இருந்து மருத்துவமனை வரை செல்லும் சாலை சேதமடைந்து உள்ளது. இதனால் இந்த சாலையில் செல்லும் பொதுமக்கள் அவதிப்படுகின்றனர். எனவே சேதமடைந்த சாலையை சீரமைக்க அதிகாரிகள் நடவடிக்கை எடுக்க வேண்டும்.

ராமகிருஷ்ணன், ஆலமரத்துப்பட்டி.

வேகத்தடை வேண்டும்

விருதுநகர் மாவட்டம் வெம்பக்கோட்டை தாலுகாவுக்கு உட்பட்ட ஆலங்குளம் ஊருக்குள் செல்லும் சாலை வளைவாக உள்ளது. இதனால் அடிக்கடி விபத்து ஏற்படுகிறது. எனவே விபத்தை தடுத்திட சாலையின் இருபக்கமும் சம்பந்தப்பட்ட அதிகாரிகள் வேகத்தடை அமைக்க வேண்டும்.

ராதாகிருஷ்ணன், ஆலங்குளம்.