மாற்றுத்திறனாளி விளையாட்டு வீரர்கள் மனு

பெரம்பலூர் மாவட்ட மாற்றுத்திறனாளிகள் சுய உதவிக்குழு கூட்டமைப்புகளின் நலவாழ்வு சங்கத்தின் தலைவர் ராமலிங்கம் தலைமையில், மாற்றுத்திறனாளி விளையாட்டு வீரர்கள் கலெக்டரிடம் மனு கொடுத்தனர். அதில், தமிழ்நாடு பாரா ஒலிம்பிக் சங்கத்தின் சார்பில் சென்னையில் வருகிற 19-ந்தேதி முதல் 21-ந்தேதி வரை 18-வது ஜூனியர், சப்-ஜூனியர் மற்றும் சீனியர் பாரா தடகள போட்டிகள் சாம்பியன்ஷீப் நடைபெறவுள்ளது. போட்டிகளில் விளையாட பெரம்பலூா் மாவட்டத்தில் 35 மாற்றுத்திறனாளி விளையாட்டு வீரர்-வீராங்கனைகள் கலந்து கொள்ள தகுதி பெற்றுள்ளனர். அவர்களுக்கு சென்று வருவதற்கும், சீருடை, ஷூ, விளையாட்டு உபகரணங்கள் வாங்கி கொடுக்கவும் நடவடிக்கை எடுக்க வேண்டும், என்று கூறியிருந்தனர்.