தென்காசியில் இமானுவேல் சேகரன் உருவப்படத்துக்கு தி.மு.க.வினர் மரியாதை

தென்காசி தெற்கு மாவட்ட தி.மு.க. அலுவலகத்தில் அலங்கரித்து வைக்கப்பட்டிருந்த இமானுவேல் சேகரன் உருவப்படத்துக்கு மாவட்ட செயலாளர் சிவபத்மநாதன் தலைமையில் மாலை அணிவித்து மலர்தூவி மரியாதை செய்யப்பட்டது. அப்போது வீரவணக்கம் உறுதிமொழி எடுக்கப்பட்டது.

ஒன்றிய செயலாளர்கள் அழகு சுந்தரம், சீனித்துரை, வழக்கறிஞர் அணி அமைப்பாளர் வேலுச்சாமி, சுந்தரபாண்டியபுரம் பேரூராட்சி தலைவர் காளியம்மாள் செல்வகுமார், மாவட்ட விவசாய அணி துணை அமைப்பாளர் சாமி துரை, காசிமேஜர்புரம் பஞ்சாயத்து தலைவர் குற்றாலம் இசக்கி பாண்டி, கூட்டுறவு சங்க தலைவர் சுரேஷ் உட்பட பலர் கலந்து கொண்டனர்.