திண்டிவனம் அருகே சாலை விபத்தில் டிரைவர் பலி

திண்டிவனம்,

திருவண்ணாமலை மாவட்டம் வந்தவாசி சன்னதி தெருவை சேர்ந்தவர் ஏழுமலை மகன் சூர்யா (வயது 24). டிரைவரான இவர் சம்பவத்தன்று மோட்டார் சைக்கிளில் திண்டிவனம் நோக்கி புறப்பட்டார். திண்டிவனம் அடுத்த தீவனூர் மெயின்ரோட்டில் வந்தபோது, எதிரே வந்த மினி லாரி மோட்டார் சைக்கிள் மீது மோதியது. இந்த விபத்தில் பலத்த காயமடைந்த அவரை அக்கம் பக்கத்தினர் மீட்டு சிகிச்சைக்காக திண்டிவனம் அரசு மருத்துவமனையில் சேர்த்தனர். அங்கு அவருக்கு டாக்டர்கள் தீவிர சிகிச்சை அளித்தும் பலனின்றி சூர்யா பரிதாபமாக இறந்தார். இந்த விபத்து குறித்து வெள்ளிமேடுபேட்டை போலீசார் வழக்குப்பதிவு செய்து விசாரனை நடத்தி வருகிறார்கள்.