டிராக்டரில் மணல் கடத்திய டிரைவர் கைது

க.பரமத்தி அருகே தண்ணீர் பந்தல் பகுதியில் க.பரமத்தி போலீசார் வாகன சோதனையில் ஈடுபட்டு கொண்டிருந்தனர். அப்போது அந்த வழியாக வந்த ஒரு டிராக்டரை போலீசார் நிறுத்தி சோதனை செய்தனர். அப்போது அதில் ஆற்றில் இருந்து மணல் கடத்தி வந்தது தெரியவந்தது. இதையடுத்து டிராக்டர் டிரைவர் கரூர் மின்னாம்பள்ளி, தண்ணீர்பந்தல் பாளையத்தைச் சேர்ந்த மூர்த்தி (வயது42) என்பவரை போலீசார் கைது செய்து அரவக்குறிச்சி நீதிமன்றத்தில் ஆஜர்படுத்தி சிறையில் அடைத்தனர். மேலும் மணலுடன் டிராக்டரும் பறிமுதல் செய்யப்பட்டன. இதுகுறித்து க.பரமத்தி போலீசார் வழக்குப்பதிவு செய்து டிராக்டர் உரிமையாளர் விஸ்வநாதபுரியை சேர்ந்த பிரபு (37) என்பவரை தேடி வருகின்றனர்.