தமிழகத்தில் வரும் 19-ம் தேதி வரை வறண்ட வானிலையே நிலவும்: வானிலை மையம் தகவல்

சென்னை,

வடகிழக்கு பருவமழை காலம் ஜனவரி மாதம் வரை நீடிக்கும் என்று வானிலை ஆய்வு மையம் அறிவித்தது. அதன்படி, பருவமழை தென் மாவட்டங்கள், உள் மாவட்டங்கள் உள்ளிட்ட சில இடங்களில் பெய்து வருகிறது.

இந்த நிலையில் தமிழகத்தில் வடகிழக்கு பருவமழை முடிவடையவுள்ளதாக வானிலை ஆய்வு மையம் கூறியுள்ளது. அதன்படி நாளை மறுநாள் தென் இந்திய பகுதிகளில் இருந்து வடகிழக்கு பருவமழை விலகுவதற்கான சாதகமான சூழல் நிலவி வருவதாக வானிலை மையம் தெரிவித்துள்ளது.

அத்துடன், தமிழகம் மற்றும் புதுவையில் நாளை முதல் வருகிற 19-ம் தேதி வரை வறண்ட வானிலையே நிலவக்கூடும் என்றும், தென் தமிழகத்தில் ஒருசில இடங்களில் இன்று லேசான மழைக்கு வாய்ப்பிருப்பதாகவும் வானிலை மையம் தெரிவித்துள்ளது.

சென்னையை பொறுத்தவரையில், அடுத்த 48 மணி நேரத்திற்கு வானம் மேகமூட்டத்துடன் காணப்படும் என்றும் சென்னை வானிலை ஆய்வுமையம் தெரிவித்துள்ளது.