முல்லைப்பெரியாற்றில் தண்ணீர் வரத்து இல்லாததால் உப்புக்கோட்டை பகுதியில் குடிநீர் வினியோகம் பாதிப்பு

உப்புக்கோட்டை, உப்பார்பட்டி ஆகிய பகுதிகளுக்கு கூட்டுக்குடிநீர் திட்டத்தின் மூலம் குடிநீர் வினியோகம் செய்யப்படுகிறது. இதற்காக முல்லைப்பெரியாற்றில் 10-க்கும் மேற்பட்ட உறைகிணறுகள் அமைக்கப்பட்டுள்ளது. இந்த உறை கிணறுகள் மூலம் டொம்புச்சேரி, பத்ரகாளிபுரம், மேலச்சொக்கநாதபுரம், சுந்தராஜபுரம், தப்புக்குண்டு, தாடிச்சேரி உள்பட 20-க்கும் மேற்பட்ட கிராமங்களுக்கு குடிநீர் வினியோகம் செய்யப்பட்டு வருகிறது. இந்த நிலையில் முல்லைப்பெரியாற்றில் தண்ணீர் வரத்து இல்லாததால் உப்புக்கோட்டை பகுதியில் கடந்த 6 நாட்களாக தண்ணீர் வினியோகம் பாதிக்கப்பட்டுள்ளது. இதனால் அந்த பகுதியில் டிராக்டர் டேங்கர் மூலம் தண்ணீர் வினியோகிக்கப்படுகிறது. எனவே மாவட்ட நிர்வாகம் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.