மின்நுகர்வோர் குறைதீர்க்கும் கூட்டம்

கடையநல்லூர்:

தமிழ்நாடு மின் உற்பத்தி மற்றும் பகிர்மான கழகத்தின் சார்பில் நெல்லை மின்பகிர்மான வட்டத்தில் தென்காசி மாவட்டத்திற்கு உட்பட்ட கடையநல்லூர் கோட்டத்தில் மின்நுகர்வோர் குறைதீர்க்கும் கூட்டம் நடந்தது.

கடையநல்லூர் செயற்பொறியாளர் அலுவலகத்தில் நடந்த கூட்டத்திற்கு நெல்லை மின்பகிர்மான வட்ட மேற்பார்வை பொறியாளர் குருசாமி தலைமை தாங்கினார். செயற்பொறியாளர் கற்பகசுந்தரம் முன்னிலை வகித்தார். கூட்டத்தில் பொதுமக்கள் அளிக்கும் புகார்களுக்கு உடனடியாக நடவடிக்கை எடுத்து விரைவான தீர்வு காண வேண்டும். மழைக்காலங்களில் மின்விபத்துகள் ஏற்படாத வண்ணம் மேற்கொள்ள வேண்டிய முன்எச்சரிக்கை நடவடிக்கைகளை குறித்து தெரிவிக்கப்பட்டது. இதில் கடையநல்லூர் கோட்டத்திற்கு உள்பட்ட மின்பொறியாளர்கள், பொதுமக்கள் கலந்து கொண்டனர்.