நாமக்கல் மண்டலத்தில் முட்டை கொள்முதல் விலை 30 காசுகள் குறைந்தது

நாமக்கல்:

நாமக்கல் மண்டலத்தில் முட்டை கொள்முதல் விலை 550 காசுகளாக இருந்து வந்தது. இந்தநிலையில் நேற்று நாமக்கல்லில் நடந்த முட்டை ஒருங்கிணைப்புக்குழு கூட்டத்தில் அதன் விலையை 30 காசுகள் குறைக்க முடிவு செய்யப்பட்டது. இதனால் முட்டை கொள்முதல் விலை 520 காசுகளாக குறைந்தது.

வடமாநிலங்களில் பண்டிகை காலம் என்பதால் அங்கு முட்டை விலை குறைந்து வருகிறது. அதன்‌ எதிரொலியாக நாமக்கல் மண்டலத்திலும் முட்டை விலை குறைக்கப்பட்டு உள்ளதாக பண்ணையாளர்கள் தெரிவித்தனர். மேலும் கறிக்கோழி கிலோ ரூ.110-க்கும், முட்டைக்கோழி கிலோ ரூ.105-க்கும் விற்பனை செய்யப்பட்டு வருவதாகவும், அவற்றின் விலைகளில் மாற்றம் செய்யப்படவில்லை எனவும் அவர்கள் தெரிவித்தனர்.