பொக்லைன் எந்திரம் மோதி முதியவர் பலி

தா.பேட்டை:

துறையூர் தாலுகா பொன்னம்பலம்பட்டி கிராமத்தில் வசித்து வந்தவர் சங்கன்(வயது 75). சம்பவத்தன்று இவர் அதே பகுதியில் ஆடுகள் மேய்ப்பதற்காக நடந்து சென்றார். அப்போது அந்த வழியாக வந்த பொக்லைன் எந்திரம் எதிர்பாராதவிதமாக சங்கன் மீது மோதியது.

இதில் அவர் சம்பவ இடத்திலேயே பரிதாபமாக இறந்தார். இந்த சம்பவம் குறித்து தகவலறிந்த ஜெம்புநாதபுரம் போலீசார் அங்கு சென்று, சங்கன் உடலை கைப்பற்றி பிரேத பரிசோதனைக்காக துறையூர் அரசு மருத்துவமனைக்கு அனுப்பி வைத்தனர். மேலும் இது குறித்து பொக்லைன் எந்திரத்தை ஓட்டி வந்த கண்ணனூர்பாளையத்தை சேர்ந்த டிரைவர் மணிகண்டன் (24) மீது போலீசார் வழக்குப்பதிந்து விசாரணை செய்து வருகின்றனர்.