சைக்கிள் மீது கார் மோதி முதியவர் பலி

பட்டுக்கோட்டை அருகே சைக்கிள் மீது கார் மோதியதில் முதியவர் பலியானார். மேலும் விவசாயி படுகாயமடைந்தார்.

முதியவர்

தஞ்ைச மாவட்டம் பட்டுக்கோட்டையை அடுத்த சுக்கிரன்பட்டி சமத்துவபுரம் பகுதியை சேர்ந்தவர் கனகசபை (வயது 68). நேற்று இவர் பட்டுக்கோட்டையில் இருந்து தஞ்சை செல்லும் சாலையில் ஆலடிக்குமூளை பகுதியில் தனது சைக்கிளில் சென்று கொண்டிருந்தார். அவருக்கு முன்னால் ஏனாதி கிராமத்தை சேர்ந்த விவசாயி செல்வம் என்பவரும் மோட்டார் சைக்கிளில் சென்று கொண்டிருந்தார். அப்போது ஈரோடு மாவட்டம் சூரம்பட்டி பகுதியைச் சேர்ந்த ராஜ்கமல் என்பவர் ஒட்டி வந்த கார் எதிர்பாராவிதமாக 2 பேர் மீதும் மோதியது.

சாவு

இதில் படுகாயமடைந்த 2 பேரையும் அருகில் உள்ளவர்கள் மீட்டு பட்டுக்கோட்டை அரசு ஆஸ்பத்திரியில் சிகிச்சைக்காக சேர்த்தனர். பின்னர் மேல்சிகிச்சைக்காக தஞ்சை மருத்துவக்கல்லூரி ஆஸ்பத்திரிக்கு கொண்டு சென்றனர். ஆனால் செல்லும் வழியில் கனகசபை பரிதாபமாக இறந்தார். இதுகுறித்து செல்வம் பட்டுக்கோட்டை தாலுகா போலீசில் கொடுத்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.