தூக்குப்போட்டு மின்வாரிய ஊழியர் தற்கொலை

தென்னிலை அருகே உள்ள மொஞ்சனூர் ரெட்டிவலசை சேர்ந்தவர் முத்து அழகர் (வயது 58). இவர் தென்னிலை மின்வாரிய அலுவலகத்தில் ஊழியராக பணியாற்றி வந்தார். இந்தநிலையில் நேற்று முன்தினம் குடிபோதையில் வீட்டிற்கு வந்த அழகர் தனது மனைவி சாந்தியுடன் தகராறு செய்துள்ளார். இதனால் சாந்தி கோபித்து கொண்டு தனது தாய் வீடான காங்கேயம் அருகே உள்ள வெங்கராம் பாளையத்திற்கு சென்றுவிட்டார். இதனால் மனமுடைந்து காணப்பட்ட முத்து அழகர் நேற்று தனது வீட்டில் தூக்குப்போட்டு தற்கொலை செய்து கொண்டார். இதுகுறித்து தகவல் அறிந்த தென்னிலை போலீசார் சம்பவ இடத்திற்கு வந்து முத்து அழகர் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிந்து விசாரணை நடத்தி வருகின்றனர்.