முன்னாள் ஆசிரியர்கள் - மாணவர்கள் சந்திப்பு

கே.வி.குப்பத்தை அடுத்த செஞ்சி அரசு மேல்நிலைப் பள்ளியில் சுமார் 60 ஆண்டுகளுக்கு முன்பு படித்த மாணவர்கள், அப்போது பாடம் நடத்திய ஆசிரியர்கள் சந்திப்பு நடந்தது. தலைமை ஆசிரியர் டி.ராஜேந்திரன் தலைமை தாங்கினார். ஊராட்சி மன்ற தலைவர் மல்லிகா ராஜேந்திரன் சிறப்பு அழைப்பாளராக கலந்து கொண்டார். முன்னாள் மாணவர் சங்கத்தினர் முன்னிலை வகித்தனர். சந்திப்பை முன்னிட்டு முன்னாள் மாணவர்கள் சார்பில் அவர்கள் படித்த பள்ளிக்கு 8 கண்காணிப்பு கேமராக்கள், 150 நாற்காலிகள் ஆகியவற்றை பள்ளிக்கு அன்பளிப்பாக வழங்கினர். முன்னதாக முன்னாள் ஆசிரிய, ஆசிரியைகளுக்கு வரவேற்பு அளித்து அவர்களிடம் ஆசிபெற்றனர். வெளியூர், வெளிநாடுகளில் சென்று அதிகாரியாக பணியாற்றி வந்தவர்கள் உள்பட 400-க்கும் மேற்பட்ட முன்னாள் மாணவர்கள் விழாவில் கலந்து கொண்டு மலரும் நினைவுகளைப் பகிர்ந்து கொண்டனர்.