மாணவர் சேர்க்கை தேதி நீட்டிப்பு

பேட்டை:

நெல்லை மனோன்மணியம் சுந்தரனார் பல்கலைக்கழக தொலைநெறி தொடர்கல்வி இயக்ககத்தில் பல்கலைக்கழக மானியக்குழுவின் தொலைதூரக்கல்விக்குழு அங்கீகாரத்துடன் இளங்கலை தமிழ், ஆங்கிலம், வரலாறு, பொருளாதாரம், வணிகவியில், வணிக நிர்வாகவியல், இளநிலை நூலகமும் தகவல் அறிவியல் ஆகிய படிப்புகளுக்கும் முதுகலை தமிழ், ஆங்கிலம், வரலாறு, பொருளாதாரம், இதழியல் மற்றும் மக்கள் தகவல் தொடர்பியல் வணிகவியல், மற்றும் முதுநிலை நூலகமும், தகவல் அறிவியல் ஆகிய படிப்புகளுக்கும் 2022 - 2023 கல்வியாண்டிற்கான மாணவர் சேர்க்கை நடைபெற்று வருகிறது.

மாணவர் சோக்கைக்கான கடைசி நாள் 31.10.2022 வரை நீட்டிக்கப்பட்டுள்ளது. இப்பல்கலைக்கழக தொலைநெறி தொடர்கல்வி இயக்ககத்தின் நேரடி சேர்க்கை மையங்களான பல்கலைக்கழக வளாகம், அபிசேகப்பட்டி மற்றும் கோவிந்தபேரி சேரன்மகாதேவி, புளியங்குடி, திசையன்விளை, பணகுடி, சங்கரன்கோவில், நாகம்பட்டி ஆகிய ஊர்களில் அமைந்துள்ள மனோன்மணியம் சுந்தரனார் பல்கலைக்கழகக் கல்லூரிகளிலும், இப்பல்கலைக்கழகத் தொலைநெறி தொடர்கல்வி இயக்ககத்தில் அங்கீகாரம் பெற்ற கல்லூரிகளின் கற்றல் உதவி மையங்களிலும் தற்பொழுது மாணவர் சேர்க்கை நடைபெற்றுக்கொண்டிருக்கிறது.

மனோன்மணியம் சுந்தரனார் பல்கலைக்கழக தொலைநெறி தொடர்கல்வி வாயிலாக பயில விரும்பும் விண்ணப்பதாரர்கள் இப்பல்கலைக்கழக இணையதளத்தின் வாயிலாக தாங்களே நேரடியாக விண்ணப்பித்து online மூலம் {www.msunlv.ac.in/Distance Education) சேர்க்கை பெற வசதி செய்யப்பட்டுள்ளது. மாணவர்கள் இந்த அரிய வாய்ப்பினை பயன்படுத்தி மனோன்மணியம் சுந்தரனார் பல்கலைக்கழக தொலைநெறி தொடர்கல்வி இயக்ககத்தின் இளநிலை, முதுநிலை, ,சான்றிதழ், பட்டய படிப்புகளில் சேர்ந்து பயன்பெறுமாறு பல்கலைக்கழக பதிவளர் (பொறுப்பு) அண்ணாதுரை தெரிவித்துள்ளார்.