கண் சிகிச்சை முகாம்

பாவூர்சத்திரம்:

பாவூர்சத்திரம் அருகே திப்பணம்பட்டி காமராசர் நினைவு இந்து நடுநிலைப்பள்ளியில் இலவச கண் சிகிச்சை முகாம் நடந்தது. தமிழ்நாடு மெர்க்கன்டைல் வங்கி கிளை, மாவட்ட பார்வையிழப்பு தடுப்பு சங்கம், நெல்லை அரவிந்த் கண் ஆஸ்பத்திரி இணைந்து நடத்திய முகாமை பஞ்சாயத்து தலைவர் அருள்பாண்டி என்ற ஐவராஜா தொடங்கி வைத்தார். தமிழ்நாடு மெர்க்கன்டைல் வங்கி பவுண்டேஷன் அலுவலர் சவுந்தரபாண்டியன், வங்கி கிளை மேலாளர் ஜான்சன் ஆகியோர் முன்னிலை வகித்தனர். அரவிந்த் கண் ஆஸ்பத்திரி மருத்துவ குழுவினர் பொதுமக்களுக்கு கண் பரிசோதனை செய்து சிகிச்சை அளித்தனர். இதில் 36 பேர் அறுவை சிகிச்சைக்கு தேர்வு செய்யப்பட்டனர். அரிசி ஆலை அதிபர் பாஸ்கரன் மற்றும் பலர் கலந்து கொண்டனர்.