தவறி விழுந்த பரோட்டா மாஸ்டர் சாவு

கீழக்கரை எசனை கடைவீதியை சேர்ந்தவர் தனபால்(வயது 50). இவர் எசனையில் உள்ள ஒரு ஓட்டலில் பரோட்டா மாஸ்டராக வேலை பார்த்து வந்தார். மாடியில் உள்ள வீட்டில் வசித்து வந்த தனபால் கடந்த 1-ந்தேதி அதிகாலை கீழே இறங்கி வந்தார். அப்போது நிலைதடுமாறி அவர் கீழே விழுந்ததில் தலையில் பலத்த அடிபட்டது. இதையடுத்து அவர் சிகிச்சைக்காக பெரம்பலூர் அரசு மருத்துமவனையில் அனுமதிக்கப்பட்டார். பின்னர் மேல் சிகிச்சைக்காக சேலம் அரசு மருத்துவமனையில் அனுமதிக்கப்பட்ட தனபால் நேற்று முன்தினம் இரவு சிகிச்சை பலனின்றி பரிதாபமாக உயிரிழந்தார். இது தொடர்பாக பெரம்பலூர் போலீசார் வழக்குப்பதிவு செய்து விசாரணை நடத்தி வருகின்றனர்.