வயலில் விவசாயி பிணம்

பாபநாசம் ;

பாபநாசம் அருகே வயலில் கிடந்த விவசாயி பிணத்தை போலீசார் கைப்பற்றி விசாரணை நடத்தி வருகிறார்கள்.

விவசாயி

பாபநாசம் தாலுகா, வளத்தாமங்கலம் காலனி தெருவை சேர்ந்தவர் ஜெயச்சந்திரன் என்ற மகாலிங்கம் (வயது58). விவசாயியான இவர் நேற்று முன்தினம் இரவு வயலுக்கு தண்ணீர் பாய்ச்ச சென்றார். இதன் பின் அவர் வீடு திரும்பவில்லை. இந்நிலையில் நேற்றுகாலையில் வயலுக்கு சென்ற கிராம மக்கள் வயல்வெளி பகுதியில் மர்மமான முறையில் மகாலிங்கம் இறந்து கிடந்ததை கண்டு அதிர்ச்சி அடைந்து பாபநாசம் போலீசாருக்கு தகவல் தெரிவித்தனர்.

விசாரணை

இதன்பேரில் போலீசார் சம்பவ இடத்துக்கு சென்று மகாலிங்கம் உடலை கைப்பற்றி ஆம்புலன்ஸ் மூலம் பாபநாசம் அரசு ஆஸ்பத்திரிக்கு பிரேதபரிசோதனைக்காக அனுப்பி வைத்தனர். மேலும் மகாலிங்கம் எப்படி இறந்தார்? அவர் சாவில் மா்மம் உள்ளதா? என போலீசார் விசாரணை நடத்தி வருகிறார்கள்.