வளவனூர் அருகேஅரசு பஸ் மோதி விவாசாயி சாவு

வளவனூர்,

விழுப்புரம் அருகே உள்ள கள்ளிப்பட்டை சேர்ந்தவர் நாகப்பன் மகன் சந்திரசேகர் (வயது 43). விவசாயி. இவரது நண்பர் வடவாம்பழம் கிராமத்தை சேர்ந்தவர் ஆறுமுகம் மகன் ராஜா(45). இவர்கள் இருவரும் நேற்று முன்தினம் இரவு ஏ.கே.குச்சிபாளையம் அருகே மோட்டார் சைக்கிளில் பண்ருட்டி மார்க்கமாக சென்று கொண்டிருந்தனர்.

அப்போது, அவர்களுக்கு பின்னால் அரசு பஸ் எதிர்பாராத விதமாக மோட்டார் சைக்கிள் மீது மோதியது. இதில், படுகாயமடைந்த சந்திரசேகர் சம்பவ இடத்திலேயே பரிதாபமாக இறந்தார். காயமடைந்த ராஜா முண்டியம்பாக்கம் அரசு மருத்துவகல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுகுறித்து வளவனூர் போலீசார் விசாரணை நடத்தி வருகின்றனர்.