நாகரசம்பட்டி அருகே மின்சாரம் தாக்கி விவசாயி பலி

காவேரிப்பட்டணம்:

நாகரசம்பட்டி அருகே உள்ள தட்ரஹள்ளி அருகே உள்ள சோப்பனூரை சேர்ந்தவர் கிருஷ்ணமூர்த்தி (வயது 52), விவசாயி. இவர் நேற்று முன்தினம் அந்த பகுதியில் உள்ள விவசாய நிலத்தில் வேலை செய்த போது எதிர்பாராதவிதமாக மின்சார வயரில் கை பட்டது. இதில் மின்சாரம் தாக்கி கிருஷ்ணமூர்த்தி சம்பவ இடத்திலேயே இறந்தார்.

இது குறித்து தகவல் அறிந்ததும் நாகரசம்பட்டி போலீசார் சம்பவ இடத்திற்கு சென்று கிருஷ்ணமூர்த்தியின் உடலை கைப்பற்றி பிரேத பரிசோதனைக்காக காவேரிப்பட்டணம் அரசு ஆஸ்பத்திரிக்கு அனுப்பி வைத்து விசாரணை நடத்தி வருகிறார்கள்.