கண்மாயில் மூழ்கி விவசாயி சாவு

திருமங்கலம்,

திருமங்கலம் அருகே கூடக்கோவில் போலீஸ் சரகம் எலியார்பத்தி பகுதியைச் சேர்ந்தவர் பெரியசாமி (வயது 57). விவசாயி. இவருக்கு சின்னம்மாள் என்ற மனைவியும், 4 மகள்களும் உள்ளனர். பெரியசாமி நேற்று எலியார்பத்தி கண்மாயில் மீன்பிடிக்க சென்றுள்ளார். நீண்ட நேரம் ஆகியும் பெரியசாமி வீட்டுக்கு வராததால் அவரை தேடி குடும்பத்தினர் சென்று உள்ளனர். அங்கு கண்மாயில் மூழ்கி பெரியசாமி இறந்து கிடந்ததை பார்த்து அதிர்ச்சி அடைந்தனர். இது குறித்து தகவல் அறிந்ததும் கூடக்கோவில் போலீசார் உடலை கைப்பற்றி பிரேத பரிசோதனைக்காக திருமங்கலம் அரசு ஆஸ்பத்திரிக்கு அனுப்பி வைத்தனர். இந்த சம்பவம் குறித்து சின்னம்மாள் கொடுத்த புகாரின் பேரில் போலீசார் விசாரணை நடத்தி வருகின்றனர்.