மதுக்கடையின் அருகே பிணமாக கிடந்த விவசாயி

தஞ்சை மாவட்டம் ஒரத்தநாட்டை அடுத்துள்ள வெட்டிக்காடு கிராமத்தில் உள்ள டாஸ்மாக் கடையின் அருகே நேற்று முன்தினம் இரவு ஆண் ஒருவர் பிணமாக கிடந்தார். இதுகுறித்து தகவல் அறிந்த ஒரத்தநாடு போலீசார் சம்பவ இடத்திற்கு விரைந்து வந்து இறந்து கிடந்தவரின் உடலை மீட்டு பிரேத பரிசோதனைக்காக ஒரத்தநாடு அரசு ஆஸ்பத்திரிக்கு அனுப்பி வைத்தனர். பின்னர் இதுகுறித்து நடத்தப்பட்ட விசாரணையில் அவர் பின்னையூர் கிராமத்தை சேர்ந்த விவசாயி முருகதாஸ் (வயது 42) என்பதும், இவருக்கு இன்னும் திருமணம் ஆகவில்லை என்பதும், மது அருந்தும் பழக்கம் உள்ளவர் என்பதும் தெரியவந்தது. அவரது இறப்புக்கான காரணம் குறித்து தொடர்ந்து விசாரணை நடத்தப்பட்டு வருகிறது.