மின்சாரம் தாக்கி விவசாயி பலி

ஸ்ரீவில்லிபுத்தூர்,

ஸ்ரீவில்லிபுத்தூரை அடுத்துள்ள மம்சாபுரம் கந்தசாமி பிள்ளை தெருவை சேர்ந்தவர் சுந்தரம் (வயது 64). விவசாயியான இவர் தனது வயலுக்கு சென்றவர் பின்னர் வீடு திரும்பவில்லை. இதனால் அவரது உறவினர்கள் அவரது வயலில் தேடிப்பார்த்தபோது வயல்வெளி அருகே அறுந்து கிடந்த மின் கம்பியில் கிடந்தார். இதுகுறித்து மின்சாரத் துறை அதிகாரிக்கு தகவல் கொடுக்கப்பட்டு மின்சாரத்தை நிறுத்தி அவரை தூக்கி பார்த்தபோது மின்சாரம் தாக்கிய காயங்களுடன் இருந்தார். உடனே அவரை ஸ்ரீவில்லிபுத்தூர் அரசு ஆஸ்பத்திரிக்கு சிகிச்சைக்காக கொண்டு சென்றனர். அங்கு அவரை பரிசோதனை செய்த டாக்டர், அவர் ஏற்கனவே இறந்துவிட்டதாக தெரிவித்தார். இதுகுறித்து மம்சாபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.